சிந்திக்க அமுதமொழிகள்

  • சிந்திக்க அமுத மொழிகள்- 356

    வாழ்க மனித அறிவு!             வளர்க மனித அறிவு!!

    சிந்திக்க அமுத மொழிகள்- 356

    21-11-2020  —சனி

    ஏகாந்தத்தில் அமர்ந்து இறைவனை நினைப்பதும், இறை அன்பர்களுடன் தொடர்பு கொள்வதும் இறை நெறியில் செல்ல உதவும்”

    …..வள்ளலார்.

    பயிற்சி:

    1) ஏகாந்தம் என்பது என்ன?

    2) இறை அன்பர்கள் யார்?

    3) இறை நெறி என்பது என்ன?

    4) இவ்வுண்மையை ஒட்டி வேறு பல அறிஞர்கள் கூறியுள்ளதை ஒப்பிட்டுப் பார்த்து மகிழவும்.

    வாழ்க திருவேதாத்திரியம்!  வளர்க திருவேதாத்திரியம்!!

    வாழ்க அறிவுச் செல்வம்!                  வளா்க அறிவுச் செல்வம்!!


  • சிந்திக்க அமுத மொழிகள்- 355

    வாழ்க மனித அறிவு!             வளர்க மனித அறிவு!!

    சிந்திக்க அமுத மொழிகள்- 355

    20-11-2020  —வெள்ளி

    வாழ்க்கைத் தேவைகள் எவ்வளவுக்கெவ்வளவு குறைவாக இருக்கின்றனவோ அந்த அளவுக்குத்தான் நிம்மதியும் சாத்தியமாகின்றது. ஒரு தேவை இன்னொரு தேவைக்கு வழி வகுக்கிறது. முடிவில் தேவைகளைப் பூர்த்தி செய்து கொள்வதிலேயே வாழ்நாள் வேகமாக கழிந்து விடுகிறது”

    …. பெர்னாட்ஷா

    பயிற்சி: 1) இதனை ஏற்றுக் கொள்ள முடிகின்றதா? 2) எல்லோருமேதான் வாழ்கின்றனர். இந்த உண்மையை எல்லோரும் அறிவதில்லை என்பதால் இந்த உண்மையை அறிஞர் பொ்னாட்ஷா கூறுகின்றாரா? 3) இதே பொருளில் வள்ளுவம் கூறும் குறளை நினைவு படுத்திக் கொள்ளவும். 4) இதே பொருளில் மகரிஷி அவர்கள் கூறும் அமுத மொழியினை நினைவு படுத்திக் கொள்ளவும்.
    வாழ்க வளமுடன்!

    வாழ்க திருவேதாத்திரியம்!  வளர்க திருவேதாத்திரியம்!!

    வாழ்க அறிவுச் செல்வம்!                  வளா்க அறிவுச் செல்வம்!!


  • சிந்திக்க அமுத மொழிகள்- 354

    வாழ்க மனித அறிவு!             வளர்க மனித அறிவு!!

    சிந்திக்க அமுத மொழிகள்- 354

    14-11-2020  —சனி

    அரை குறையாக ஆண்டவனை நம்புவதால் ஒரு பயனும் இல்லை. முழுமையாக சரணாகதி அடைந்தால் மட்டுமே அவன் பார்வை நம்மீது விழும்”

    ……ஸ்ரீ ரமண மகரிஷி.

    பயிற்சி:

    1) அரை குறையாக ஆண்டவனை நம்புவது என்றால் என்ன?

    2) முழுமையாக சரணாகதி அடைவது என்பது என்ன?

    3) இறைவன் பார்வை நம்மீது விழும் என்றால் என்ன?

    வாழ்க வளமுடன்!

    வாழ்க திருவேதாத்திரியம்!  வளர்க திருவேதாத்திரியம்!!

    வாழ்க அறிவுச் செல்வம்!                  வளா்க அறிவுச் செல்வம்!!


  • சிந்திக்க அமுத மொழிகள்- 353

    வாழ்க மனித அறிவு!             வளர்க மனித அறிவு!!

    சிந்திக்க அமுத மொழிகள்- 353

    13-11-2020  —வெள்ளி

    தூய்மை உள்ளவர்களுக்குத்தான் பந்தங்களிலிருந்து விடுதலை கிடைக்கும்?”

    ….. சுவாமி விவேகானந்தர்

    பயிற்சி— 1) என்ன கூறுகிறார் சுவாமி விவேகானந்தர்? 2) இந்த அறிவுரை யோகம் பயில்பவர்கள், பயிலாதவர்கள் அனைவருக்குமேதானே? 3) தூய்மைக்கும் பந்தத்திற்கும் என்ன தொடர்பு? 4) இது ஆன்மீகவாதிகளின் கருத்தா? 5) இதில் விஞ்ஞானமுள்ளதா? 6) பந்தங்களிலிருந்து விடுதலை அவசியமா? 7) விடுதலை கிடைக்கும் என்றால் இப்போது சிறைப்பட்டிருக்கிறோமா? 8) ‘தவம் மற்றும் தற்சோதனையின் இறுதிப்பயனான இறைஉணர்வு பெறுதலுக்கும்’ ‘பந்தங்களிலிருந்து விடுதலை பெறுவதற்கும் ஏதேனும் தொடர்பு உள்ளதா?’
    வாழ்க வளமுடன்!

    வாழ்க திருவேதாத்திரியம்!  வளர்க திருவேதாத்திரியம்!!

    வாழ்க அறிவுச் செல்வம்!                  வளா்க அறிவுச் செல்வம்!!


  • சிந்திக்க அமுத மொழிகள்- 352

    வாழ்க மனித அறிவு!             வளர்க மனித அறிவு!!

    சிந்திக்க அமுத மொழிகள்- 352

    07-11-2020  —சனி

    மனிதனின் மனம் கடுகுப் பொட்டலம் போன்றது. அந்தப் பொட்டலம் கிழிந்து கடுகு நாலாபுறங்களிலும் ஓடிவிட்டால் அதை ஒன்று சோ்ப்பது சிரமம். அது போல் மனம் உலக விஷயங்களில் சிதறத் தொடங்கினால் அதைக்குவித்து ஒருமுகப்படுத்துவது சுலபமானதல்ல.

    ….. பகவான் ஸ்ரீ ராமகிருஷ்ணர்

    பயிற்சி : இந்த பொன் மொழியிலிருந்து தெரிந்து கொள்ள வேண்டியது என்ன?

    வாழ்க வளமுடன்!

    வாழ்க திருவேதாத்திரியம்!  வளர்க திருவேதாத்திரியம்!!

    வாழ்க அறிவுச் செல்வம்!                  வளா்க அறிவுச் செல்வம்!!


  • சிந்திக்க அமுத மொழிகள்- 351

    வாழ்க மனித அறிவு!             வளர்க மனித அறிவு!!

    சிந்திக்க அமுத மொழிகள்- 351

    06-11-2020  — வெள்ளி

    உலக இன்பங்களில் மயங்கித் திரிபவன் இந்தப் பிறவியில் மட்டுமல்ல, எந்தப் பிறவியிலும் இறைவனை அடைய முடியாது.

    ………. ஸ்ரீ ராமகிருஷ்ணர்

    கருத்து: மயங்கித் திரிபவன்- undue attachment. Have detached attachment, தாமரை இலை நீரில் இருந்தாலும் நீரில் மூழ்குவதில்லையோ, நீரை தன் மீது ஒட்டிக் கொள்வதில்லையோ அதுபோல்.

    வாழ்க வளமுடன்!

    வாழ்க திருவேதாத்திரியம்!  வளர்க திருவேதாத்திரியம்!!

    வாழ்க அறிவுச் செல்வம்!                  வளா்க அறிவுச் செல்வம்!!


  • சிந்திக்க அமுத மொழிகள்- 350

    வாழ்க மனித அறிவு!             வளர்க மனித அறிவு!!

    சிந்திக்க அமுத மொழிகள்- 350

    31-10-2020  — சனி

    வீடுபேறு

    யாருக்கு இதுவே கடைசி பிறவியாக இருக்கின்றதோ, அவர்களே முந்தைய பிறவிகளில் செய்த செயல்களின் பலனை குறிப்பாக அதிக துன்பத்தை அனுபவிக்கிறார்கள்.”

    …அன்னை சாரதா தேவியார்.

    வினைப்பயனைப் போக்காமல் வீட்டையடைய விரும்புவதோ பொருந்திடாது”

    — வேதாத்திரி மகரிஷி

    பயிற்சி:

    1) இது எவ்வாறு விளக்கவும்?

    2) இது அதிக துன்பப்படுபவர்கள் அனைவருக்குமே பொருந்துமா? 

    3). வினைப்பயனில் துன்பம் மட்டுமே தான் உள்ளதா? இன்பம் கிடையாதா?
    4). வீடுபேறு எப்போது கிடைக்கும் என்பதற்கான விடை மேற்கண்ட அமுதமொழிகளில் உள்ளதா?
    5) வினைப்பயன் தீர்ந்துவிட்ட பாக்கியசாலிகளின் மனநிலை எப்படியிருக்கும்? பேரின்பத்திற்கான மகரிஷி அவர்களின் வரையறையை மனதில் நிறுத்தி விடைகாணவும்.
    வாழ்க வளமுடன்!

    வாழ்க திருவேதாத்திரியம்!  வளர்க திருவேதாத்திரியம்!!

    வாழ்க அறிவுச் செல்வம்!                  வளா்க அறிவுச் செல்வம்!!


  • சிந்திக்க அமுத மொழிகள்- 349

    வாழ்க மனித அறிவு!             வளர்க மனித அறிவு!!

    சிந்திக்க அமுத மொழிகள்- 349

    30-10-2020  — வெள்ளி

    முதலில் சிலந்தி வலையாக இருக்கும் பழக்கங்கள் பிறகு தேர்வடமாக மாறிவிடும். ”                                                          

    …ஸ்பானியப் பழமொழி

    பயிற்சி— 1)   இப்பழமொழி எச்சரிப்பது என்ன? 2)   நம்மை ஏற்கனவே இது பற்றி வேதாத்திரி மகரிஷி அவர்கள் எச்சரித்திருப்பது என்ன? 3)   எனவே குழந்தை பெறுவதிலும், வளர்ப்பதிலும் பெற்றோர்கள் கொள்ள வேண்டிய கவனம் என்ன? விடை:- வாழ்க்கை என்பது அனுபவங்களின் தொகுப்பே ஆகும். அனுபவங்கள் என்பது மேற்கொள்ளப்படும் பழக்க வழக்கங்களாகும். இந்த ஸ்பானியப் பழமொழியின் வாயிலாக வாழ்க்கையில் மனிதன் கொண்டுள்ள பழக்கங்களின் தன்மையைப் பற்றி அறிய இருக்கிறோம். பழக்கங்கள் பற்றி … ஸ்பானியப் பழமொழி இரண்டு உவமானங்களைக் கொண்டு புரியவைக்க விரும்புவது என்ன? சாதாரணமாக தெரியாத ஒன்று, தெரிந்த ஒன்றுடன் உவமானம் காட்டி விளக்கப்படுகின்றது. ஆனால் இரண்டு உவமானங்கள் காட்டப்பட்டுள்ளன இங்கே. எனவே இப்பழமொழி சொல்கின்ற அறிவுரை மிக முக்கியமானது எனத் தெரிகின்றது. ஏனெனில் பழக்கங்களின்இரு நிலைகளை அறிவுறுத்தி எச்சரிக்க வேண்டியிருப்பதால், வலிமையற்ற சிலந்தி வலையையும், வலிமையில் அதற்கு நேர் எதிரான தேர்வடத்தையும் உவமானங்களாக சொல்ல வேண்டியுள்ளது. முதலில் பழக்கம்(Habit) என்பது என்ன என்று பார்ப்போம். பொதுவாக எந்த ஒன்றிலும் திறமை பெற அதனை முதல்முறையிலேயே செய்து அதில் திறமை பெறமுடியாது. பலமுறை செய்துதான் திறமை அடையமுடியும். ஆர்வத்திற்கேற்ப தொடர்ந்து பலமுறை செய்யப்படுவதும் உண்டு. இங்கேதான் பழக்கம் உள்ளே நுழைகின்றது. இந்த பழக்கத்தின் இருநிலைகளை பற்றி ஸ்பானியப் பழமொழி எச்சரிக்கின்றது. ‘எந்த ஒன்று’ நல்லதாக இருந்தால் பரவாயில்லை. அது தீயதாக இருந்தால் எச்சரிக்கை வேண்டும். அதனை ஆரம்பிக்கவே கூடாது. நல்லது, தீயது என்பது அந்த ஒன்றை ஆரம்பிக்கும் முன் எவ்வாறு முடிவு செய்வது? அதுதான் ஆறாம் அறிவின் சிறப்பாயிற்றே! 1) ஒன்று, ‘மூத்தோர் சொல் வார்த்தை அமுதம்’ என்பதால் மூத்தோர்கள் ஏற்கனவே சொல்லியுள்ளதை மதித்து, கவனத்தில் கொண்டு நடப்பதனை வழக்கத்தில் கொண்டு வர வேண்டும். 2)  திருவள்ளுவர் கூறுவதுபோல் பெரியோரை துணை கொள்ளல் வேண்டும். 3) புத்தர் கூறுவதுபோல் எப்படி பிணத்தை தன்னிடம் வைத்துக் கொள்ளாமல் கடல் தள்ளி கரையோரம் தள்ளிவிடுகின்றதோ அதுபோல் தீயநட்பை தள்ளிவிடவேண்டும். 4) ஆதிசங்கரர் பஜகோவிந்த்தில் அறிவுறுத்துவதுபோல் சத்சங்கத்தில் கலந்து கொண்டு பயன் பெற வேண்டும். 5) தினந்தோறும் அறிஞர்களின் அறவுரைகளை தாங்கிய நன்னூல்களை வாசிக்க வேண்டும். 6) விழிப்புணர்வை வளர்த்து அதனை அயராத விழிப்புணர்வாக்கிக் கொள்ள வேண்டும். 7) அறிவினரோடு சேர்வதில் உள்ள இன்பத்தை அனுபவிப்பதற்கு பழகிக் கொள்ள வேண்டும். 8) அறிவினர்களை கனவிலும், நனவிலும் கண்டு இன்பம் காணப் பழகிக் கொள்ள வேண்டும். 9) நேரிடையாக அறிவினரின் தொடர்பு கிடைக்கவில்லை எனில் அவர்கள் அருளிய நூல்கள் வாயிலாக    அவர்களுடன் தொடர்பை பெற்றுக் கொள்ள வேண்டும் இராமலிங்க வள்ளலார், தாயுமானவர், திருவள்ளுவர், திருமூலர் ஆகியவா்களை மானசீக குருவாக ஏற்றுக் கொண்ட நம் குருதேவர் வேதாத்திரி மகரிஷி அவர்களின் யுக்தி நாம் அறியாததா என்ன? ‘முளையிலேயே கிள்ளி எறிய வேண்டும்’ என்கின்றது தமிழ்ப் பழமொழி ஒன்று. ஏனெனில் பழக்கம் ஆரம்பத்தில் சிலந்தி வலைபோல் வலியமையற்று இருக்கும். அதனால் பழக்கம் தீயபழக்கமாக இருந்தால் அதனை அழித்துவிடுவது எளிது. ஆனால் பழக்கங்கள் நாளாக நாளாக வழக்கமாகி அது வலிமையுற்று தேர்வடமாக ஆகிவிடும் என்கிறது ஸ்பானியப் பழமொழி. சிலந்தி வலையை ஒரு சுண்டு விரலாலேயேஅழித்துவிடலாம் ஆனால் தேரை இழுக்கும் கயிறு(தேர்வடம்) எவ்வளவு வலிமையாக இருக்கும். அதை இரண்டு கைகளால் அறுக்க முடியுமா? பழக்கம் என்பது என்ன? எந்த ஒரு செயலைச் செய்தாலும் அது கருமையத்தில் பதிகின்றது. இன்று ஒரு செயல் முதல் முறையாக செய்யப்படுகின்றது. அது இயற்கையின்/இறையின் அருமையான, மிக, மிகச்சிறந்த பதிவுசெய்யும் ஏற்பாடான(Excellent Recording System) கருமையத்தில் பதிவு செய்யப்படுகின்றது. நாளை அச்செயல் மீண்டும் இரண்டாவது முறையாக செய்யப்படுகின்றது. இதற்கிடையில் அச்செயலின் பதிவு, செயல் செய்யாத போதும் எண்ணங்களாக வந்து அச்செயலை செய்ய வேண்டிய அவசியம் இல்லாதபோதும், அச்செயலை செய்ய ஆர்வத்தை தூண்டுகின்றது. இவ்வாறு அந்த ஒரு செயல் பலநாட்கள், பல வாரங்கள், பல மாதங்கள், பல வருடங்கள் ரசித்து, ருசித்து, ஈடுபாட்டுடன் செய்யப்படுகின்றது என வைத்துக் கொள்வோம். ஒவ்வொரு முறையும் அச்செயல் பதிவு, பதிவு மேல் பதிந்து, பதிந்து அழுத்தம் பெறுகின்றது. அந்த ஒன்று நல்ல செயலாக இருந்தால் வரவேற்கத்தக்கது, ஆனால் அந்த ஒன்று தீயதாக இருந்து, பிறகு நமக்கே தெரிந்து, அல்லது ‘அது தீயது’, என பெரியோர்களின் இணைப்பு ஏற்பட்டு அவர்கள் வழியாக விளக்கம் கிடைக்கப்பெற, இறை அருளால் ஏற்பாடு செய்யப்பட்டாலும், அப்பழக்கத்திலிருந்து விடுபட போராட வேண்டியிருக்கும். இருந்தாலும் அத்தீய பழக்கத்திலிருந்து விடுபட்டு விளக்க வழியே வாழ்ந்து வெற்றிகண்டவர்களும் உண்டு.ஆனால் கடுமையாக தொடர் விடாமுயற்சி செய்ய வேண்டும் அதற்கு நாம் இந்த சத்சங்கத்தில் ஒழுக்க வாழ்விற்கு போராட்டம் ஏன்?’-என்கின்ற தலைப்பில் 27-09-2020 அன்று சிந்திக்க ஆரம்பித்து 28-10-2020 வரை  (FFC 317 – FFC 326) சிந்தனையை விரிவாக முடித்திருக்கிறோம். அதில் கருப்பொருளாக அறிஞர் ரூஸோ அவர்களின் ழுக்கம் போர்க்களம் போன்றது. அதில் வாழ வேண்டுமானால் ஓயாமல் நம் மனதோடு போராட வேண்டும்” என்கின்ற அமுத மொழியை எடுத்துக் கொண்டோம்.   நம்முடைய குருதேவர் அவர்கள் “பழக்கத்தி்ற்கும் விளக்கத்திற்கும் இடையே போராடிக் கொண்டிருக்கும் ஒரு சீவன் மனிதன்” என்கிறார். இவ்வாறு மனிதனின் எதார்த்த நிலையைப்பற்றி கூறினாலும் பல்லாயிரம் பிறவிகளில் பழகிக் கொண்ட பழிச்செயல்பதிவுகளை ஒரு பிறவி காலத்திலே கருமையத்தூய்மையால் செயலிழக்கச் செய்யலாம் எனவும் உறுதி அளிக்கின்றார். அதற்காக, இயற்கை/இறை கருணையோடு வடிவமைத்துக் கொடுத்ததே இறையுணர் பாதையிலே விழிப்புடனே வாழ்வதற்கான அகத்தவம், அகத்தாய்வு ஆகியவற்றைக் கொண்ட தெய்வீகப்பயிற்சியாகிய மனவளக்கலை என்கிறார். அடுத்தவினாவான ‘எனவே குழந்தை பெறுவதிலும், வளர்ப்பதிலும் பெற்றோர்கள் கொள்ள வேண்டிய கவனம் என்ன?   என்பதற்கு வருவோம். ஏற்கனவே சத்சங்கத்தில்  அமுத மொழிகள் பகுதியில் இதுபற்றி சிந்தித்திருக்கிறோம். அதனை மீண்டும் நினைவுபடுத்திக் கொள்வோம். அதில் இரண்டு அறிஞர்களின் அமுத மொழிகளை எடுத்துக்கொண்டோம். “நல்ல குழந்தைகளாக உருவாக்கப் பெற்றோர்கள் நல்லவர்களாக வாழ வேண்டும். பெற்றோர்களின் வாழ்க்கையானது குழந்தைகளின் பாடப்புத்தகமாக அமைகிறது. …….ஆர்னால்ட் பென்னட்.   “பெற்றோர்கள் குழந்தைகளின் நிரந்தரமான ஆசிரியர்கள். அவர்களுக்கு விடுமுறையே கிடையாது.“ ……எம் கோர்க்கி. அதில் பயிற்சிக்காக கேட்கப்பட்ட கேள்விகளாவன. பயிற்சி— 1) இவ்விரண்டு அறிஞர்கள் ஆதங்கப்படும் பெற்றோர்களுக்கு உதவக்கூடியக் கலை எது? 2) எப்போது அக்கலையை பயில ஆரம்பிக்க வேண்டும்? எப்போது முடிக்க வேண்டும்? 3) குழந்தைகளின் முதல் ஆசிரியர் யார்? ஆகவே ஒவ்வொரு ஆணும் பெண்ணும் திருமணம் செய்து கொள்வதற்கு முன், பத்து வருடங்களாக பண்பேற்றத்தை கொடுக்கக் கூடிய மனவளக்கலை பயிற்சியினை பயின்று செயல்படுத்திக் கொண்டிருப்பது விரும்பத்தக்கது. மற்றும் அதுவே ஞானபரம்பரை உருவாவதை ஏற்படுத்தும். இது குழந்தை பெறுவதற்கு முன் செய்ய வேண்டியது.   பெற்றோர்களே முதல் ஆசிரியர் என்பதால் பெற்றோர்கள் ஆவதற்கு முன்னரே வாழ்வியல் கற்று, பின்பற்றுகின்ற மனவளக்கலைஞர்கள்–பெற்றோர்கள் குழந்தைகளுக்கு நல்ல சூழ்நிலைகளை ஏற்படுத்துவர். வாழ்க வளமுடன்.

    வாழ்க திருவேதாத்திரியம்!  வளர்க திருவேதாத்திரியம்!!

    வாழ்க அறிவுச் செல்வம்!                  வளா்க அறிவுச் செல்வம்!!


  • சிந்திக்க அமுத மொழிகள்- 348

    வாழ்க மனித அறிவு!             வளர்க மனித அறிவு!!

    சிந்திக்க அமுத மொழிகள்- 348

    24-10-2020  — சனி

    மௌனத்தின் மேன்மை

    This image has an empty alt attribute; its file name is madamum-manidhanum_3-1024x728.jpg

    —- வேதாத்திரி மகரிஷி அவர்கள்

    பயிற்சி: 1. இது அருட்செய்திதானே? 2.மகரிஷி தமது எந்த வயதில் மேற்கண்ட அருட்செய்தியினை அருளியுள்ளார்?  3. எத்தகைய எண்ணங்களுக்கு அழுத்தம் தரவேண்டும் என கூறுகிறார்? 4. பிறர் மனதூண்டுதல் விழிப்புணர்வோடு வெற்றி கொள்ளப்படவேண்டும் என விளங்குகின்றதல்லவா? 5. உயர்ந்த சிந்தனைக்குரிய கருத்துக்களை தொகுக்க ஓய்வு தேவைப்படுகிறது எனக்கூறுகிறாரா அல்லது ஓய்வில்தான் இவ்வரிய  பணிகளை மேற்கொள்கிறேன் எனக்கூறுகிறாரா? 6. மௌனத்தின் மேன்மை விளங்கிக் கொள்ள முடிகின்றதல்லவா? 7. மனவளக்கலையின் முதல் வெற்றியாளர் யார் என நம்மால் ஊகிக்கமுடிகின்றதல்லவா?

    வாழ்க திருவேதாத்திரியம்!  வளர்க திருவேதாத்திரியம்!!

    வாழ்க அறிவுச் செல்வம்!                  வளா்க அறிவுச் செல்வம்!!


  • சிந்திக்க அமுத மொழிகள்- 347

    வாழ்க மனித அறிவு!             வளர்க மனித அறிவு!!

    சிந்திக்க அமுத மொழிகள்- 347

    23-10-2020  — வெள்ளி

    குருவின் பணி, உன்னை உனக்குள் இருக்கும் குருவை நோக்கித் திருப்பிச் செலுத்துவது ஆகும்.”

    ….. ஸ்ரீ ரமண மகரிஷி

    பயிற்சி— 1) “உனக்குள் இருக்கும் குரு என்பவர்” என்பவர் யார்? 2) இக்கூற்றின் வாயிலாக பகவான் ரமணர் என்ன கூறுகிறார்?

    வாழ்க திருவேதாத்திரியம்!  வளர்க திருவேதாத்திரியம்!!

    வாழ்க அறிவுச் செல்வம்!                  வளா்க அறிவுச் செல்வம்!!


  • சிந்திக்க அமுத மொழிகள்- 346

    வாழ்க மனித அறிவு!             வளர்க மனித அறிவு!!

    சிந்திக்க அமுத மொழிகள்- 346

    17-10-2020  — சனி

    அடக்கமுடைமை

    அடக்கம் அமரருள் உய்க்கும் அடங்காமை

    ஆரிருள் உய்த்து விடும். (121)

    -திருவள்ளுவர்

    தன்னைப்பு அடங்கினால் தான் இறையுணர்வு உண்டாகும். இறைவனோடு அறிவால் இணைந்து கொண்டால் அருள் என்ற பேரின்ப வாழ்வு கிட்டும் இல்லையேல் இருள் என்ற மயக்க நிலையில் துன்புற வேண்டும்.

    -வேதாத்திரி மகரிஷி அவர்களின் விளக்கம்

    வாழ்க திருவேதாத்திரியம்!  வளர்க திருவேதாத்திரியம்!!

    வாழ்க அறிவுச் செல்வம்!                  வளா்க அறிவுச் செல்வம்!!


  • சிந்திக்க அமுத மொழிகள்- 345

    வாழ்க மனித அறிவு!             வளர்க மனித அறிவு!!

    சிந்திக்க அமுத மொழிகள்- 345

    16-10-2020  — வெள்ளி

    ‘உலக சிக்கல்களை ஒரு நொடியில் உணர்த்திடலாம். ஒருவராலும் அதனை உடன் திருத்திட முடியாது’

    ….. வேதாத்திரி மகரிஷி அவர்கள்.

    பயிற்சி— 1) ஏன் அவ்வாறு கூறுகிறார் மகரிஷி அவர்கள்? 2) பின்னர் எவ்வாறு தீர்க்க முடியும்? 3) மனவளக் கலைஞர்களின் பெரும் பங்கு என்ன?

    வாழ்க திருவேதாத்திரியம்!  வளர்க திருவேதாத்திரியம்!!

    வாழ்க அறிவுச் செல்வம்!                  வளா்க அறிவுச் செல்வம்!!